Drejtorati i Gjeoinformacionit dhe Gjeoteknikës

Detyrat dhe përgjegjësitë:

1. Bën vlerësim gjeologo-inxhinierik të trojeve;
2. Bën rajonizime gjeologo-inxhinierike në shkallë të ndryshme për zonat urbane;
3. Realizon studime sipas kërkesave emergjente;
4. Ofron shërbime gjeofizike për zgjidhjen e problemeve gjeologo-inxhinierike të zonave urbane;
5. Në bashkëpunim me Drejtoratet tjera të AGJK-së, bën përpunimin e të dhënave komplekse gjeologo-gjeofizike në përgjithësi;
6. Në bashkëpunim me Drejtoratet e tjera të AGJK-së, realizon harta sipas plansheteve të shkallëve të ndryshme;
7. Bën dokumentimin e dinamikës së lëvizjes së brigjeve të lumenjve;
8. Gjeoreferencon, dixhitalizon, vektorizon dhe përpunon të gjitha llojet e hartave për projektet në proces dhe ato të arkivuara;
9. Krijon, plotëson dhe azhurnon bazën e të dhënave për të gjithë aktivitetin që kryen AGJK-ja.

2. Udhëheqësi i Drejtoratit të  Gjeoinformacionit dhe Gjeoteknikës   raporton tek Drejtori i Përgjithshëm.

4. Numri i të punësuarve në Drejtoratin e Gjeoteknikës dhe  Gjeoinformacionit është shtat (7).

3. Në kuadër të këtij Drejtorati bëjnë pjesë sektorët si vijon:

3.1 Sektori i Gjeofizikës dhe Gjeologjisë Inxhinierike

Detyrat dhe përgjegjësitë:

1. Ofron studime gjeofizike të lëmive të ndryshme;
2. Përpilon, ose plotëson harta ekzistuese me të dhëna të reja;
3. Ofron shërbime gjeofizike për sektorin privat;
4. Ofron shërbime gjeofizike për zgjidhjen e problemeve gjeologo-inxhinierike;
5. Ofron studime gjeofizike të emergjencave;
6. Bën përpunimin e të dhënave komplekse gjeologo-gjeofizike të kryera në përgjithësi;
7. Drejton punën në Rrjetin Sizmologjik të Republikës së Kosovës;
8. Monitoron aktivitetin sizmik të vendit, si dhe mbledh, ruan, përpunon, analizon dhe boton të dhënat sizmologjike, që fitohen nëpërmjet këtij rrjeti;
9. Njofton me urgjencë institucionet relevante shtetërore, në rast se brenda territorit të Republikës së Kosovës bien tërmete me magnitudë më të madhe se tre pikë tetë (M > 3.8);
10. Shkëmben të dhënat e rrjetit sizmologjik me ato të institucioneve të ngjashme në rajon, Evropë dhe në botë, si dhe me Qendrat Ndërkombëtare Sizmologjike, sipas detyrimeve të miratuara;
11. Bën vlerësime të rreziqeve gjeologjike dhe gjeologo-inxhinierik të trojeve;
12. Ofron studime gjeoteknike të  infrastrukturës publike (rrugë, tunele, diga, ura, hekurudha etj.);
13. Bën studime të hollësishme të faktorëve gjeodinamikë që kondicionojnë rreziqet gjeologjike (rrëshqitje, shembje etj.)

2. Udhëheqësi i Sektorit të Gjeofizikës dhe Gjeologjisë Inxhinierike raporton tek Udhëheqësi i Drejtoratit.

3. Numri i të punësuarve në Sektorin e Gjeofizikës dhe Gjeologjisë Inxhinierike  është tre (3).

3.2  Sektori i Gjeodatabazës, Kartografimit dhe Arkivit.

Detyrat dhe përgjegjësitë:

1. Bën përgatitjen (dizajnimin) e hartave komplekse në shkallë të ndryshme për të gjithë territorin e Republikës së Kosovës, për qëllime të ndryshme si gjeologji, tektonikë, depozitime kuaternare, mbrojtje të gjeomonumenteve, etj;
2. Përgatitë harta tematike sipas kërkesës 1.3 Ndërton strukturat për bazat e të dhënave;
3. Paraqet në trajtë katalogësh llojet e të dhënave që do të regjistrohen, duke parashikuar tabelat dhe fushat përkatëse në të cilat regjistrohen të dhënat, duke vazhduar më tej me ndërtimin e zonave ndërlidhëse për hedhjen e të dhënave, siguron lidhjen e të dhënave me hartat në programin ArcGIS;
4. Formon dhe mirëmban faqen e internetit;
5. Gjeoreferencon, dixhitalizon, vektorizon dhe përpunon të gjitha llojet e hartave për projektet në proces dhe ato të arkivuara;
6. Ndërton sistemin GIS-it për aktivitetin që kryen AGJK, duke prodhuar hartat e të gjitha shkallëve dhe dokumentacionin dixhital për të gjitha njësitë e AGJK-së;
7. Krijon, plotëson dhe azhurnon bazën e të dhënave për të gjithë aktivitetin që kryen AGJK, bën përpunimin informatik të të dhënave të studimeve dhe projekteve;
8. Administron të gjitha studimet, projektet dhe të gjithë dokumentacionin e AGJK-së.

2. Udhëheqësi i Sektorit të Gjeodatabazës, Kartografimit dhe Arkivit raporton tek Udhëheqësi i Drejtoratit.

3. Numri i të punësuarve në Sektorin e  Gjeodatabazës, Kartografimit dhe Arkivit është tre (3).