Ministri Blerim Kuçi priti në takim ambasadoren e Suedisë, Karin Hernmarck-Ahliny

 

Prishtinë, 18.06.2020 - Ministri i Ekonomisë dhe Ambientit (MEA), Blerim Kuçi ka pritur sot në takim ambasadoren e Suedisë në Kosovë, Karin Hernmarck-Ahliny.

 

Me këtë rast ambasadorja Hernmarck-Ahliny e uroi ministrin Kuçi për marrjen e detyrës së re, ndërsa gjatë takimit u diskutua për projektet që po realizohen në Kosovë me mbështetjen e Qeverisë së Suedisë, përkatësisht SIDA.

 

Në veçanti u diskutua për projektin “Mbështetja e programit mjedisor në Kosovë”, i cili projekt ka filluar të zbatohet në vitin 2016 nga ish-MMPH dhe do të përfundojë gjatë vitit 2020.

 

Ministri Kuçi u zotua se do të bashkëpunojë me Qeverinë e Suedisë, konkretisht përmes projekteve që kanë në Kosovë si dhe e falënderoi ambasadoren Hernmarck-Ahliny për mbështetjen e vazhdueshme që ka dhënë dhe po vazhdon të jep Qeveria e Suedisë për Kosovën.
njoftim-per-diskutim-publik

KOSOVO IN UNESCO