Universiteti i Minnesotas ndan çmim prestigjioz ministrit Valdrin Lluka

 

Prishtinë – 10.12.2019 - Universiteti i Minnesotes, së bashku me Fakultetin e Biznesit të këtij universiteti, Carlson School of Management, i ka ndarë një çmim prestigjioz ministrit te Zhvillimit Ekonomik, Valdrin Lluka, për lidership, Distinguished Leadership Award for Internationals, çmim ky që jepet tek studentët e diplomuar që kanë treguar arritje të veçantë dhe ndihmojnë vendet e tyre në zhvillim.

 

Ministri Lluka tha se “Ishte moment krenarie dhe emocionale që pikërisht pas 10 viteve nga diplomimi, të pranoj këtë çmim përmes një ceremonie simbolike të organizuar enkas për këtë çmim. Ky çmim do të shërbejë si një motivim për të kontribuar më shumë për vendin dhe komunitetin, duke mbajtur me krenari emblemën e këtij universiteti kudo që shkoj. Koha e kaluar atje në vitin 2007 - 2009 ka qenë padyshim periudha më e mirë në jetë si për nga eksperienca, ashtu edhe për nga përfitimi edukativ”.

 

Universiteti i Minnesotes ka rreth 65,000 studentë dhe është në top 50 universitetet në botë. Shkolla e Biznesit në këtë universitet renditet në top 25 shkollat në SHBA për programin e biznesit në nivelin Master (MBA).

 

Studimet janë mundësuar duke ju falënderuar Fondit Kosovar Amerikan të Edukimit (Kosovo American Education Fund - KAEF), që akoma vazhdon të dërgojë 6 deri 8 studentë në SHBA për studime të nivelit Master.

 

Shkolla e biznesit në këtë universitet, këtë vit feston 100 vjetorin e themelimit dhe në publikimin e saj vjetor, ka përzgjedhur 100 fytyra, të cilat kanë kontribuar në zhvillim të vendit, ku ndër ta është edhe emri i Ministrit Lluka.
njoftim-per-diskutim-publik

KOSOVO IN UNESCO